பிரிட்டனின் கொரோனா ‘சிவப்புப் பட்டியலில்’ இந்தியா

இந்தியாவில் உருமாற்றம் அடைந்த கொரோனா வைரஸ் தீவிரமாக பரவி வருவதையடுத்து இந்திய தலைநகரில் ஒரு வாரத்திற்கு பொது முடக்கம் அறிவிக்கப்பட்டுள்ளது.

இந்த நிலையில் பிரிட்டனின் “சிவப்பு பட்டியலில்” இந்தியா சேர்க்கப்பட்டுள்ளதாக அந்நாட்டு சுகாதார அமைச்சின் செயலாளர் மாட் ஹான்காக் அறிவித்துள்ளார்.

உலகளவில் கொரோனாவால் மிக மோசமாக பாதிக்கப்பட்ட இரண்டாவது நாடாக இந்தியா விளங்குகிறது. அங்கு இதுவரை இல்லாத வகையில் ஒரேநாளில் 2,73,810 பேருக்கு கொரோனா தொற்று உறுதி செய்யப்பட்டுள்ளது.

இதன்மூலம் மொத்த கொரோனா பாதிப்பு எண்ணிக்கை 1,50,61,919 ஆக அதிகரித்துள்ளது.

கொரோனா தொற்றுக்குள்ளான 1,619 பேர் ஒரே நாளில் உயிரிழந்துள்ள நிலையில், மொத்த உயிரிழப்புகளின் எண்ணிக்கை 1,78,769 ஆக உயர்ந்துள்ளது.