இலங்கையில் கொரோனா பரவல் தீவிரமடைந்ததைத் தொடர்ந்து, ஜூன் 8 ஆம் திகதி முதல் இலங்கையர்கள் பிரிட்டனுக்குள் அனுமதிக்கப்பட மாட்டார்கள் என்று ஸ்ரீலங்கன் விமான சேவைகள் தெரிவித்துள்ளது.
பிரிட்டனின் கொரோனா ‘சிவப்புப் பட்டியலில்’ இலங்கை சேர்க்கப்பட்டுள்ளதால், இலங்கையர்கள் பிரிட்டனுக்கு வர அனுமதி இல்லை என்றும் தெரிவித்துள்ளது.
இலங்கையில் உள்ள பிரிட்டிஷ், அயர்லாந்து பிரஜைகள் அல்லது வதிவிட அனுமதி பெற்றவர்கள் தொடர்ந்தும் பயணிக்கலாம் என்றும் ஸ்ரீலங்கன் விமான சேவைகள் தெரிவித்துள்ளது.
ஜூன் 5, 6 மற்றும் 7 ஆம் திகதிகளில் பிரிட்டன் செல்ல பதிவு செய்துகொண்டுள்ள பயணிகளின் பயணத்தை இப்புதிய நடைமுறை பாதிக்காது என்றும் சுட்டிக்காட்டப்பட்டுள்ளது.
பிரிட்டனுக்கு பயணமாகவுள்ள பயணிகள் 72 மணி நேரத்தினுள் பிசிஆர் பரிசோதனை மேற்கொண்டு, கொரோனா தொற்று இல்லாததை உறுதிப்படுத்த வேண்டும்.
பயணிகள் பிரிட்டன் சென்று தனிமைப்படுத்தலை பூரணப்படுத்துவதற்கான ஹோட்டல் பதிவுகளை மேற்கொண்டிருக்க வேண்டும் என்றும் ஸ்ரீலங்கன் விமான சேவைகள் வெளியிட்டுள்ள அறிக்கையில் தெரிவிக்கப்பட்டுள்ளது.
