அகில இலங்கை மக்கள் காங்கிரஸ் தலைவரான பாராளுமன்ற உறுப்பினர் ரிஷாட் பதியுதீன் இன்று அதிகாலை சிஐடியினரால் கைது செய்யப்பட்டுள்ளார்.
இதன்போது அவரின் சகோதரர் ரியாஜ் பதியுதீனும் கைது செய்யப்பட்டுள்ளார்.
ஈஸ்டர் தாக்குதலை மேற்கொண்ட குண்டுதாரிகளுக்கு உதவிய குற்றச்சாட்டின் கீழ் இவர்கள் கைது செய்யப்பட்டுள்ளதாக பொலிஸ் ஊடகப் பேச்சாளர் தெரிவித்துள்ளார்.
பாராளுமன்ற உறுப்பினர் ரிஷாட் பதியுதீன் கொழும்பு– 07, பௌத்தாலோக மாவத்தையில் உள்ள அவரது வீட்டில் இருந்தும், ரியாஜ் பதியுதீன் வெள்ளவத்தை பிரதேசத்தில் இருந்தும் கைது செய்யப்பட்டதாக பொலிஸ் பேச்சாளர் குறிப்பிட்டுள்ளார்.
பயங்கரவாத தடைச் சட்டத்தின் கீழ் இவர்கள் இருவரிடமும் குற்றப் புலனாய்வுப் பிரிவினர் மேலதிக விசாரணைகளை முன்னெடுப்பதாகவும் பொலிஸார் தெரிவித்துள்ளனர்.
The CID has been standing outside my house in Boudhaloka Mawatha since 1.30 am today attempting to arrest me without a charge. They have already arrested my brother. I have been in Parliament, and have cooperated with all lawful authorities until now. This is unjust.
— Rishad Bathiudeen (@rbathiudeen) April 23, 2021
