ஆப்கானிஸ்தானைக் கட்டியெழுப்பும் ஐநா நன்கொடை மாநாட்டை ஒன்றுகூட்டும் விடயத்தில் இந்தியா உட்பட 10 பிராந்திய நாடுகள் தாலிபான்களுக்கு ஒத்துழைக்க முன்வந்துள்ளன.
ரஷ்யாவில் நடைபெற்ற ஆப்கானிஸ்தானை மீளக் கட்டியெழுப்பும் மாநாட்டில் இந்தியா உட்பட பிராந்திய நாடுகள் ஆப்கானுக்கு மனிதாபிமான உதவிகளை மேற்கொள்ள முன்வந்துள்ளன.
ரஷ்யா, சீனா, பாகிஸ்தான், இந்தியா, ஈரான் மற்றும் முன்னாள் சோவியட் ஒன்றிய நாடுகள் ஆப்கானுக்கு ஒத்துழைப்பது குறித்து ஐநாவில் கலந்துரையாட தயாராகியுள்ளன.
ஐநா நன்கொடை மாநாட்டை ஒன்றுகூட்டும் தாலிபான்களின் அழைப்புக்கு குறித்த நாடுகள் ஆதரவு தெரிவித்துள்ளன.
ரஷ்யாவில் நடைபெறும் மாநாட்டில் அமெரிக்கா கலந்துகொண்டிருக்கவில்லை. எனினும், அடுத்து வரும் கூட்டங்களில் கலந்துகொள்வதாக அமெரிக்கா அறிவித்துள்ளது.
ஆப்கானுக்கு சர்வதேச உதவிகள் வழங்கப்பட வேண்டும் என்று ரஷ்யா கோரியுள்ளதோடு, குறித்த மாநாட்டையும் ஒன்றுகூட்டியுள்ளது.
