சட்ட பேரவைத் தேர்தலில் வெற்றி பெற்று ஆட்சியமைக்கவுள்ள தி.மு.க தலைவர் மு.க.ஸ்டாலினை, மக்கள் நீதி மய்யம் தலைவர் கமல்ஹாசன் நேரில் சென்று சந்தித்து வாழ்த்துகளை தெரிவித்துள்ளார்.
நடைபெற்று முடிந்த தமிழக சட்டமன்ற தேர்தலில் தி.மு.க கூட்டணி அமோக வெற்றி பெற்றதையடுத்து தி.மு.க தலைவர் மு.க. ஸ்டாலின் எதிர்வரும் மே 7 ஆம் திகதி முதலமைச்சராக பதவியேற்கவுள்ளார்.
இந்நிலையில், மக்கள் நீதி மய்யத்தின் தலைவர் கமல்ஹாசன், தி.மு.க தலைவர் மு.க.ஸ்டாலினை சென்னை ஆழ்வார் பேட்டையிலுள்ள அவரது வீட்டில் சந்தித்து வாழ்த்து தெரிவித்துள்ளார்.
ஏற்கனவே கமல்ஹாசன் டுவிட்டர் தளத்தினூடாக வாழ்த்து தெரிவித்திருந்தமை குறிப்பிடத்தக்கது.
அதேநேரம், உதயநிதி ஸ்டாலினுக்கும் பூங்கொத்து கொடுத்து வாழ்த்தினார். அரசியல் களத்தில் மிகக் கடுமையாக விமர்சனம் செய்து கொண்டாலும் ஜனநாயக பண்புடன் கமல் வாழ்த்தியது வரவேற்பை பெற்றுள்ளது.
தலைவர் திரு. @ikamalhaasan அவர்கள் முதலமைச்சராக பதவியேற்கவுள்ள திரு. @mkstalin அவர்களையும் மற்றும் சேப்பாக்கம் தொகுதியில் வெற்றிபெற்ற திரு. @Udhaystalin அவர்களையும் நேரில் சந்தித்து தனது வாழ்த்துக்களை தெரிவித்தார். pic.twitter.com/VEbhyBjx3B
— Makkal Needhi Maiam | மக்கள் நீதி மய்யம் (@maiamofficial) May 4, 2021
