சூப்பர்ஸ்டர் ரஜினிகாந்த் நடிப்பில் உருவாகியுள்ள ‘அண்ணாத்த’ படத்தின் ட்ரெய்லர் வெளியாகியுள்ளது.
இந்த திரைப்படம் தீபாவளியையொட்டி திரையரங்குகளில் வெளியிடப்பட இருக்கிறது.
முன்னதாக இந்தப் படத்திலிருந்து 3 பாடல்கள், டீசர் வெளியிடப்பட்டு ரசிகர்கள் கொண்டாட்டத்தில் ஆழ்த்தியது.
இதனைத் தொடர்ந்து தற்போது ட்ரெய்லர் வெளிவந்துள்ளது. ஒரு குடும்ப நிகழ்வை முன்னோட்டமாக வைத்து அது வெளியிடப்பட்டிருக்கிறது .
பல முன்னணி நட்சத்திரங்கள் ஜொலிஜொலிக்கும் பட ட்ரெய்லரை பார்க்கும்போது படம் எப்போது திரையரங்குகளில் வெளியாகும் என்ற ஆவல் எல்லோரிடத்திலும் ஏற்பட்டிருக்கும்.
ட்ரெய்லரை பார்க்கும் போது ‘அண்ணன் – தங்கை பாசக்கதை அடிப்படையாகக் கொண்ட படம் என்பதை உணர்த்துகிறது.
அண்ணனாக ரஜினியும் பாசத்தங்கையாக கீர்த்தி சுரேஷும் இப்படத்தில் வருவதை நாம் காணமுடிகிறது.
அண்ணாத்த ட்ரெய்லரில் பார்க்கும் அனைவரையும் கவரும் விதமாக குஷ்பு மாமோய்.. .மீனா அத்தான்… என அழுத்தி சொல்லி கலகலப்பூட்டுகிறார்கள்.
ரஜினி, கீர்த்தி சுரேஷ், குஷ்பு, மீனா, நயன்தாரா என அனைவரும் ரசிகர்களை அழகால் இழுக்கிறார்கள் என்பதை ட்ரைலரை பார்க்கும் போதே நமக்கு புரிகிறது.
பிரகாஷ் ராஜ், ஜெகபதி பாபு வில்லன்களாக நடிப்பில் மிரட்டுகிறார்கள்.
சூரி, சதீஷ் உள்ளிட்டோர் தமக்கே உரித்தான நகைச்சுவையால் அனைவரையும் கவர்ந்து உள்ளனர் .
அண்ணாத்த பட ட்ரெய்லர் வெளியாகி சில மணி நேரங்களில் பல லட்சம் பார்வையாளர்களை கடந்து சாதனை படைத்திருக்கிறது.
‘தர்பார்’ படத்திற்கு பிறகு நடிகர் ரஜினி ’சிறுத்தை’ சிவா இயக்கத்தில் ‘அண்ணாத்த’ படத்தில் நடித்து முடித்துள்ளார். இப்படத்திற்கு இமான் இசையமைத்துள்ளார்.
