பயணிகள் விமானம் விபத்து: பலர் பலி!

நேபாளத்தில் போக்கரா சர்வதேச விமான நிலையத்தின் ஓடுபாதை அருகே பயணிகள் விமானமொன்று விபத்துக்கு உள்ளானதில் பலர் உயிரிழந்துள்ளனர்.

‘எட்டி ஏர்லைன்ஸ்’ விமான சேவை நிறுவனத்திற்கு சொந்தமான விமானமொன்றே இவ்வாறு விபத்துக்கு உள்ளாகியுள்ளது.

விமானம் விபத்துக்கு உள்ளாகும் போது அந்த விமானத்தில் 68 பயணிகள் உள்ளிட்ட 72 பேர் இருந்துள்ளதாக கூறப்படுகின்றது.

இந்நிலையில் விமான விபத்து நடந்த பகுதியிலிருந்து 40 உடல்கள் மீட்கப்பட்டுள்ளதாக சிவில் விமானப் போக்குவரத்து ஆணையகம் தெரிவித்துள்ளது.

இதேவேளை சிலர் படுகாயத்துடன் மீட்கப்பட்டுள்ளதாகவும் கூறப்படுகின்றது.
விமானம் விபத்துக்கு உள்ளானதும் தீப்பற்றி எரிந்துள்ளதாகவும், இதன்போது பலர் தீயில் எரிந்து உயரிழந்துள்ளதாகவும் தெரிவிக்கப்படுகின்றது.