தலை துண்டிக்கப்பட்டு கொல்லப்பட்ட வரலாற்று ஆசிரியர் சாமுவேலுக்கு பிரான்சின் மிக உயர்ந்த விருதான ‘the Legion of Honor’ விருது வழங்கப்படும் என பிரான்ஸ் கல்வி அமைச்சர் ஜீன்-மைக்கேல் பிளாங்கர் அறிவித்துள்ளார்.
கொல்லப்பட்ட ஆசிரியருக்காக பிரான்ஸ் முழுவதிலுமுள்ள மக்கள் அஞ்சலி செலுத்தி வரும் நிலையில்,அவருக்கு இந்த விருது அறிவிக்கப்பட்டுள்ளது.மேலும் அவர் Academic Palms-க்கான தளபதியாக நியமிக்கப்படுவார் என்று கல்வி அமைச்சர் தெரிவித்துள்ளார்.
1802 ஆம் ஆண்டில் பிரான்ஸ் இராணுவத் தலைவர் நெப்போலியன் போனபார்ட்டால் அமைக்கப்பட்ட பிரான்சின் பொதுமக்கள் அல்லது இராணுவத் தகுதிகளுக்கான மிக உயர்ந்த விருது ‘the Legion of Honor’ ஆகும்.
கல்வித் தகுதிகளுக்கான தேசிய விருதான The Order of Academic Palms 1808-ல் போனபார்ட்டால் நிறுவப்பட்டது.இந்நிலையில் இந்த விருது வழங்கும் விழா நாளை புதன்கிழமை மாலை சோர்போன் பல்கலைக்கழகத்தில் தேசிய அஞ்சலி நிகழ்ச்சியில் நடைபெறும் என தெரிவிக்கப்பட்டுள்ளது.
