பெரு குடியரசின் அடுத்த ஜனாதிபதி பெட்ரோ கெஸ்டிலோ என்று அந்நாட்டு தேர்தல் ஆணையகம் அறிவித்துள்ளது.
பெரு ஜனாதிபதித் தேர்தலில் பெட்ரோ கெஸ்டிலோ வெற்றிபெற்ற நிலையில், தாம் ஏமாற்றப்பட்டதாக வலதுசாரி வேட்பாளர் கெய்கோ புஜிமோரி அறிவித்திருந்தார்.
வலதுசாரி வேட்பாளரின் அறிவிப்பைத் தொடர்ந்து, தேர்தல் முடிவுகள் மேன்முறையீட்டுக்கு உட்படுத்தப்பட்டது.
கெய்கோ புஜிமோரியின் மேன்முறையீட்டால் தேர்தல் முடிவுகளை வெளியிடுவதில் ஒரு மாதத்துக்கு மேற்பட்ட கால தாமதத்தை ஏற்படுத்தியிருந்தது.
இந்நிலையில், பெருவின் அடுத்த ஜனாதிபதியாக பெட்ரோவும், உப ஜனாதிபதியாக டினா புலுவார்ட்டும் நியமிக்கப்படுவதாக தேர்தல் ஆணையகம் அறிவித்துள்ளது.
தாம் ஏமாற்றப்பட்டதாகவும், பெட்ரோ வாக்கு மோசடியில் ஈடுபட்டதாகவும் குறிப்பிட்டுள்ள கெய்கோ, அதற்கு எதிராக போராடுவதற்கு பொதுமக்களுக்கு அழைப்பு விடுத்துள்ளார்.
