வடக்கு – கிழக்கில் ஹர்த்தால்: மன்னார் வர்த்தகர்கள் ஆதரவு

ஒன்றிணைந்த தமிழ்க் கட்சிகளின் ஏற்பாட்டில் இன்றைய தினம் வடக்கு கிழக்கில் முன்னெடுக்கப்படும் ஹர்த்தாலுக்கு மன்னார் வர்த்தகர்கள் ஆதரவு தெரிவித்துள்ளனர்.

மாவட்டத்தில் வர்த்தக நிலையங்கள் அனைத்தும் மூடப்பட்டுள்ளன. ஆனால் அரச, தனியார் போக்குவரத்துச் சேவைகள் வழமை போன்று இடம்பெறுகின்றன.

அத்துடன் அரச நிறுவனங்களும் வங்கிகளும் வழமைபோன்று இயங்குகின்றன. பாடசாலைகள் திறக்கப்பட்டுள்ள போதும், மாணவர்களின் வருகை குறைவாகவே உள்ளது.

மன்னார் நீதிமன்றத்தின் செயற்பாடுகள் இடம்பெறும் நிலையிலும் சட்டத்தரணிகள் சமூகமளிக்கவில்லை.

மாவட்டத்தின் பல இடங்களில் பொலிஸாரும், இராணுவத்தினரும் பாதுகாப்பு கடமையில் ஈடுபட்டுள்ளனர்.