இலங்கை கடற்பரப்புக்குள் அத்துமீறி மீன்பிடித்த குற்றசாட்டில் இந்திய மீனவர்கள் 37 பேர் கைது செய்யப்பட்டுள்ளனர்.
சனி மற்றும் ஞாயிற்றுக்கிழமை இலங்கை கடற்படையினரால் மேற்கொள்ளப்பட்ட சுற்றிவளைப்பு நடவடிக்கையின் போது இவர்கள் கைதாகியுள்ளனர்.
இவ்வாறாக தலைமன்னார் கடற்பரப்பில் வைத்து ராமேஸ்வரத்தை சேர்ந்த 23 மீனவர்கள் 3 படகுகளுடன் கைது செய்யப்பட்டுள்ளனர்.
மேலும் நெடுந்தீவு கடற்பரப்பில் மீன்பிடித்துக்கொண்டிருந்த ராமேஸ்வரத்தைச் சேர்ந்த 14 மீனவர்கள் 2 படகுகளுடன் கைதாகியுள்ளனர்.
இந்நிலையில், கடந்த 14ஆம் திகதியில் இருந்து 60க்கும் மேற்பட்ட மீனவர்கள் இலங்கை கடற்படையினரால் கைதாகியுள்ளார்.
இலங்கை கடற்பரப்பில் சீன ஆய்வுக் கப்பல் நங்கூரமிட்டுள்ள நிலையில் இலங்கை கடற்படையினர் நாட்டின் கடல் பகுதியில் தீவிர கண்காணிப்பில் ஈடுபட்டு வருகின்றமை குறிப்பிடத்தக்கது.
