ஜனாதிபதி ரணில் ஜேர்மனி பயணமானார்!

File Photo

உத்தியோகபூர்வ விஜயத்தை மேற்கொண்டு ஜனாதிபதி ரணில் விக்கிரமசிங்க, ஜேர்மனிக்கு பயமாகியுள்ளார்.

இன்று முற்பகல் அவர் கட்டுநாயக்க விமான நிலையம் ஊடாக பயணமானதாக தெரிவிக்கப்பட்டுள்ளது.

செப்டெம்பர் 28 முதல் 29ஆம் திகதி வரை நடைபெறவுள்ள ‘பேர்லின் பூகோள உரையாடலின்’ முதல் நாள் அரச தலைவர்களின் கலந்துரையாடல் அமர்வில் ஆரம்ப உரையாற்றுவதற்காக அவர் ஜேர்மனிக்கு பயணமானதாக ஜனாதிபதி ஊடகப் பிரிவு தெரிவித்துள்ளது.

உலகளாவிய புவிசார் அரசியல் மற்றும் பொருளாதார பிரச்சினைகள் பற்றி கலந்துரையாடுவதற்காக அரசியல், வர்த்தக மற்றும் சமூக ரீதியில் செல்வாக்கு மிக்கவர்கள் பங்கேற்கும் இந்த உச்சிமாநாட்டின் பின்னர் மாநாட்டில் பங்கேற்கும் அரச தலைவர்கள் மற்றும் பிரதிநிதிகளுடன் ஜனாதிபதி பேச்சுவார்த்தை நடத்துவார் என்றும் தெரிவிக்கப்பட்டுள்ளது.