பதுளை பகுதியில் இரண்டு பாடசாலைகளுக்கு இடையிலான கிரிக்கெட் தொடரை முன்னிட்டு நடத்தப்பட்ட வாகன பேரணியில் சென்ற கெப் வாகனமொன்று விபத்துக்கு உள்ளானதில் இரண்டு மாணவர்கள் உயிரிழந்துள்ளனர்.
இதேவேளை இந்த சம்பவத்தில் 9 மாணவர்கள் காயமடைந்த நிலையில் பதுளை வைத்தியசாலையில் அனுமதிக்கப்பட்டுள்ளதாக பொலிஸார் தெரிவித்துள்ளனர்.
மைதானத்திற்கு அருகில் வாகன பேரணியை நடத்திய போது, மாணவர்கள் குழுவொன்று பயணித்த கெப் வாகனம் குடைசாய்ந்து விபத்துக்கு உள்ளாகியுள்ளதாக தெரிவிக்கப்படுகின்றது.
இதில் வாகனத்தில் சிக்குண்டு அந்த இடத்திலேயே இரண்டு மாணவர்கள் உயிரிழந்துள்ளதாக கூறப்படுகின்றது.
சம்பவத்தில் உயர்தர வகுப்பு மாணவர்களே உயிரிழந்துள்ளதாக பொலிஸார் தெரிவித்துள்ளனர்.
