நுவரெலியாவுக்கு கல்வி சுற்றுலா சென்ற கொழும்பு தேஸ்டன் கல்லுரி மாணவர்கள் பயணித்த பஸ்ஸொன்றும் வீதியில் எதிரே பயணித்த வானொன்றும், ஆட்டோ ஒன்றும் விபத்துக்கு உள்ளானதில் 7 பேர் உயிரிழந்துள்ளனர்.
இன்று இரவு 7.30 மணியளவில் நானுஓயா பகுதியில் இந்த விபத்து சம்பவம் இடம்பெற்றுள்ளதாக தெரிவிக்கப்படுகின்றது.
இதன்போது வானில் பயணித்த 6 பேரும், அந்த வானுடன் மோதிய ஆட்டோவில் பயணித்த ஒருவரும் உயிரிழந்துள்ளதாக பொலிஸார் தெரிவித்துள்ளனர்.
இதேவேளை விபத்தின் போது பஸ் 100 அடி பள்ளத்தில் பாய்ந்துள்ளதாகவும், இதில் காயமடைந்த மாணவர்கள் நுவரெலியா வைத்தியசாலையில் அனுமதிக்கப்பட்டுள்ளதாகவும் பொலிஸார் தெரிவித்துள்ளனர்.
