File Photo
முன்னாள் ஜனாதிபதி கோட்டாபய ராஜபக்ஷ தனது குடும்பத்துடன் இன்று அதிகாலை அமெரிக்கா நோக்கி பயணமாகியுள்ளதாக தகவல்கள் வெளியாகியுள்ளன.
இன்று அதிகாலை கட்டுநாயக்க விமான நிலையம் சென்ற கோட்டாபய ராஜபக்ஷ மற்றும் அவரின் குடும்ப உறுப்பினர்கள் ஐவர், அதிகாலை 2.55 மணியளவில் துபாய் நோக்கி பயணமான விமானத்தில் பயணித்ததாக தெரிவிக்கப்படுகின்றது.
துபாய் ஊடாக அவர்கள் அமெரிக்கா பயணமாகவுள்ளதாக விமான நிலைய தகவல்கள் தெரிவிக்கின்றன.
தனக்கு எதிரான போராட்டங்களை தொடர்ந்து கடந்த ஜுலை 13 ஆம் திகதி மாலைதீவு ஊடாக சிங்கப்பூர் சென்று பின்னர் தாய்லாந்து சென்றிருந்தார். அங்கிருந்து அமெரிக்கா செல்ல அவர் முயற்சித்த போதும், அமெரிக்க அதிகாரிகள் அவருக்கு வீசா வழங்க மறுத்தனர்.
இதனால் செப்டம்பர் 2ஆம் திகதி இலங்கை திரும்பிய கோட்டாபய ராஜபக்ஷ, தனக்கு வீசா கிடைத்ததை தொடர்ந்து குடும்பத்தினருடன் அமெரிக்கா நோக்கி பயணமாகியுள்ளதாக கூறப்படுகின்றது.
