ஐக்கிய மக்கள் சக்தி கட்சி தலைவராக மீண்டும் எதிர்க்கட்சித் தலைவர் சஜித் பிரேமதாச தெரிவு செய்யப்பட்டுள்ளார்.
கொழும்பு பொரளை கெம்பல் மைதானத்தில் நடைபெற்ற ஐக்கிய மக்கள் சக்தியின் வருடாந்த மாநாட்டின் போதே மீண்டும் சஜித் பிரேமதாச தலைவராக தெரிவாகியுள்ளார்.
இதேவேளை கட்சியின் தவிசாளராக சரத் பொன்சோகவும், பொதுச் செயலாளராக ரஞ்சித் மத்துமபண்டாரவும், தேசிய அமைப்பாளராக திஸ்ஸ அத்தநாயக்கவும், பொருளாளராக ஹர்ஷ டி சில்வாவும் தெரிவு செய்யப்பட்டுள்ளனர்.
அத்துடன் அரசாங்கத்துடன் இணைந்துகொள்ளவுள்ளதாக கூறப்பட்ட ரஜித் சேனாரட்ன சிரேஷ்ட உப தலைவராக நியமிக்கப்பட்டுள்ளார்.
ஐக்கிய மக்கள் சக்தியின் பிரதி செயலாளர்களாக வடிவேல் சுரேஷ் மற்றும் உமா சந்திரா பிரகாஸ் ஆகியோர் தெரிவாகியுள்ளனர்.
