நள்ளிரவு முதல் எரிபொருள் விலைகளில் மாற்றம்!

டீசல் மற்றும் மண்ணெண்ணெ விலைகள் அதிகரிக்கப்பட்டுள்ளன.

நவம்பர் 11 ஆம் திகதி நள்ளிரவு முதல் அமுலுக்கு வரும் வகையில் அதன் விலைகள் அதிகரிக்கப்பட்டுள்ளதாக இலங்கை பெட்ரோலியக் கூட்டுத்தாபனம் அறிவித்துள்ளது.

இதன்படி ஒரு லீட்டர் டீசலின் விலை 15 ரூபாவால் அதிகரிக்கப்பட்டுள்ளது. இதற்கமைய ஒரு லீட்டர் டீசலின் புதிய விலை 430 ரூபாவாகும்

இதேவேளை மண்ணெண்ணையின் விலை லீட்டர் ஒன்றுக்கு 25 ரூபாவால் அதிகரிக்கப்பட்டுள்ளது. இதன்படி ஒரு லீட்டர் மண்ணெண்ணையின் புதிய விலை 365 ரூபாவாகும்.

அத்துடன், ஏனைய எரிபொருட்களின் விலைகளில் மாற்றமில்லை என இலங்கை பெட்ரோலியக் கூட்டுத்தாபனம் தெரிவித்துள்ளது.