பஸ்ஸில் பயணித்த பெண்ணொருவர் துப்பாக்கிச் சூட்டில் பலி!

கம்பஹா, மீரிகம – தங்கோவிட்ட பகுதியில் இடம்பெற்ற துப்பாக்கிச் சூட்டு சம்பவத்தில் பஸ்ஸில் பயணித்த பெண் ஒருவர் உயிரிழந்துள்ளார்.

பிரதேசத்தின் மதுபான நிலையத்தில் கொள்ளையடிக்க வந்ததாக கூறப்படும் சந்தேக நபர்களுக்கும் பொலிஸாருக்கும் இடையே நடந்த பரஸ்பர துப்பாக்கிப் பிரயோகத்தின் போதே குறித்த பெண் சூடுபட்டு உயிரிழந்துள்ளதாக தெரிவிக்கப்படுகின்றது.

இந்த சம்பவத்தில் 29 வயதுடைய பெண்ணொருவரே உயிரிழந்துள்ளதாக தெரிவிக்கப்பட்டுள்ளது.

இதேவேளை கொள்ளையர் குழுவை சேர்ந்தவர்கள் என்று சந்தேகிக்கப்படும் இருவர் காயமடைந்த நிலையில் மருத்துவமனையில் அனுமதிக்கப்பட்டுள்ளதாகவும் கூறப்படுகின்றது.