இலங்கைக் கடலுக்குள் அத்துமீறிய இந்திய மீனவர்கள் கைது!

இலங்கை கடற்பரப்புக்குள் அத்துமீறி நுழைந்து மீன்பிடித்த குற்றச்சாட்டில் இந்திய மீனவர்கள் 8 பேர், 19ஆம் திகதி இரவு கைது செய்யப்பட்டுள்ளனர்.

வடக்கே காரைநகர் கடல் பகுதியில் இவர்கள் கைது செய்யப்பட்டதாக இலங்கை கடற்படையினர் தெரிவித்துள்ளனர்.

இவர்கள் இலங்கைக் கடலில் மீன் பிடிக்க பயன்படுத்திய படகொன்றும் கைப்பற்றட்டுள்ளதாகவும் கடற்படையினர் தெரிவித்துள்ளனர்.

கைதான மீனவர்கள் காங்கேசன்துறை துறைமுகத்திற்கு அழைத்து வரப்பட்டு, சட்ட நடவடிக்கைகளுக்காக பொலிஸாரிடம் ஒப்படைக்கப்பட்டுள்ளதாக தெரிவிக்கப்பட்டுள்ளது.

இதேவேளை இந்த வருடத்தில் இதுவரையான காலப்பகுதியில் இலங்கைக் கடலுக்குள் அத்துமீறிய 25 படகுகளுடன் 189 இந்திய மீனவர்கள் செய்யப்பட்டு சட்ட நடவடிக்கைக்கு உட்படுத்தப்பட்டதாக கடற்படையினர் தெரிவித்துள்ளனர்.