File Photo
யுக்ரைனில் கார்கிவ் நகர் பகுதியில் ரஷ்யப் படையினரால் தடுத்து வைக்கப்பட்டிருந்த 7 மாணவர்கள் உள்ளிட்ட இலங்கையர்களை விடுவிக்க நடவடிக்கை எடுக்கப்பட்டுள்ளதாக யுக்ரைன் ஜனாதிபதி விளாடிமிர் செலென்ஸ்கி தெரிவித்துள்ளார்.
ரஷ்யப் படையினர் கடந்த மார்ச் மாதத்தில் இருந்து யுக்ரைன் மீதான ஆக்கிரமிப்பை ஆரம்பித்தனர்.
இதன்போது கார்கிவ் நகரை அவர்கள் கைப்பற்றிய போது, அங்கிருந்த பலர் வெளியேற முடியாது தடுத்து வைக்கப்பட்டுள்ளதாக செய்திகள் வெளியாகின.
இவர்களிடையே இலங்கையர்களும் அடங்குவதாக தெரிவிக்கப்பட்ட நிலையில், தற்போது அவர்கள் மீட்கப்பட்டுள்ளதாக யுக்ரைன் ஜனாதிபதி குறிப்பிட்டுள்ளார்.
பாதுகாப்பாக மீட்கப்பட்ட அவர்கள், மருத்துவ சிகிச்சைகளுக்கு உட்படுத்தப்பட்டுள்ளதாக தெரிவிக்கப்படுகின்றது.
இதேவேளை இவர்களை நாட்டுக்கு அழைத்து வருவதற்காக இலங்கை வெளிவிவகார அமைச்சு நடவடிக்கைகளை எடுக்கவுள்ளது.
