மட்டக்குளியில் துப்பாக்கிச் சூடு: ஒருவர் பலி!

கொழும்பு, மட்டக்குளி – அலிவத்த பிரதேசத்தில் இடம்பெற்ற துப்பாக்கிச் சூட்டு சம்பவத்தில் ஒருவர் உயிரிழந்துள்ளார்.

நேற்றிரவு மோட்டார் சைக்கிளொன்றில் வந்த இருவர் இந்த துப்பாக்கிச் சூட்டை நடத்தியுள்ளதாக பொலிஸார் தெரிவித்துள்ளனர்.

இதன்போது துப்பாக்கிச் சூட்டில் காயமடைந்த நபரொருவர் கொழும்பு தேசிய வைத்தியசாலையில் அனுமதிக்கப்பட்ட போது உயிரிழந்துள்ளதாக தெரிவிக்கப்பட்டுள்ளது.

குறித்த பிரதேசத்தை சேர்ந்த 26 வயதுடைய ‘அலிவத்த அஷித’ என்றழைக்கப்படும் நபரே உயிரிழந்துள்ளதாக பொலிஸார் தெரிவித்துள்ளனர்.

இந்த சம்பவம் தொடர்பில் மட்டக்குளி பொலிஸார் விசாரணைகளை நடத்தி வருகின்றனர்.