File Photo
கொழும்பு – கொட்டாஞ்சேனை, விவேகானந்தா வீதி பகுதியில் இடம்பெற்ற துப்பாக்கிச் சூட்டில் ஒருவர் உயிரிழந்துள்ளார்.
சனிக்கிழமை இரவு மோட்டார் சைக்கிளில் வந்த இனந்தெரியாத இருவர் இந்த துப்பாக்கிச் சூடு மேற்கொள்ளப்பட்டுள்ளதாக பொலிஸார் தெரிவித்துள்ளனர்.
இந்த சம்பவத்தில் அதே பிரதேசத்தை சேர்ந்த 51 வயதுடைய நபரே உயிரிழந்துள்ளதாகவும் பொலிஸார் குறிப்பிட்டுள்ளனர்.
எனினும் துப்பாக்கிச் சூடு நடத்தப்பட்டதற்கான காரணம் இதுவரை வெளியாகவில்லை.
அங்குள்ள சிசிடிவி விடியோ பதிவொன்றில் குறித்த நபரை இலக்கு வைத்து முதலில் துப்பாக்கிச் சூடு நடத்தப்படுவதையும், அதன்போது அவர் கீழே விழுந்த பின்னர், மோட்டார் சைக்கிளில் இருந்து இறங்கு வரும் துப்பாக்கிதாரி மீண்டும் அவர் மீது துப்பாக்கிச் சூட்டை நடத்திவிட்டு தப்பிச் செல்வதையும் காணக் கூடியதாக உள்ளதாக பொலிஸார் தெரிவிக்கின்றனர்.
சம்பவம் தொடர்பில் கரையொரப் பொலிஸார் விசாரணைகளை முன்னெடுத்து வருகின்றனர்.
இதேவேளை அண்மைக் காலமாக கொழும்பில் துப்பாக்கிச் சூட்டு சம்பவங்கள் அதிகரித்துள்ளமை மக்களிடையே அச்ச நிலைமையை ஏற்படுத்தியுள்ளது.
