ஐக்கிய தேசிய கட்சியின் தேசிய பட்டியல் பாராளுமன்ற உறுப்பினராக வஜிர அபேவர்தன பதவியேற்றார்.
இன்று முற்பகல் பாராளுமன்றத்தில் சபாநாயகர் மஹிந்த யாபா அபேவர்தன முன்னிலையில் அவர், பதவிப் பிரமாணம் செய்துக் கொண்டார்.
ஐக்கிய தேசியக் கட்சி தலைவர் ரணில் விக்கிரமசிங்க ஜனாதிபதியாக பதவியேற்ற பின்னர் அவரின் பாராளுமன்ற ஆசனம் வெற்றிடமானது.
இதனை தொடர்ந்து அந்த ஆசனத்திற்கு அந்தக் கட்சியின் சிரேஷ்ட உறுப்பினரான வஜிர அபேவர்தன நியமிக்கப்பட்டுள்ளார்.
இதேவேளை வஜிர அபேவர்தன எதிர்வரும் நாட்களில் அமைச்சராக பதவியேற்கவுள்ளதாகவும் தெரிவிக்கப்படுகின்றது.
