எரிபொருள் வரிசையில் மோதல்: ஒருவர் மரணம்!

காலி மாகல்லவில் உள்ள எரிபொருள் நிரப்பு நிலையத்திற்கு அருகில் வரிசையில் காத்திருந்தவர்களுக்கு இடையே இடம்பெற்ற மோதலில் ஒருவர் உயிரிழந்துள்ளார்.

வியாழக்கிழமை இரவு இந்த சம்பவம் இடம்பெற்றுள்ளதாக பொலிஸார் தெரிவித்துள்ளனர்.

வரிசையில் நீண்ட நேரமாக காத்திருந்த நிலையில், அங்கு இரண்டு குழுக்களுக்கு இடையே மோதல் நிலைமை ஏற்பட்டதாக தெரிவிக்கப்படுகின்றது.

இவ்வேளையில் 25 வயது இளைஞன் ஒருவர் தாக்குதலில் உயிரிழந்துள்ளதாக பொலிஸார் தெரிவித்துள்ளனர்.

இதேவேளை இந்த சம்பவத்தில் மூன்று பேர் காயமடைந்த நிலையில் கராப்பிட்டிய வைத்தியசாலையில் அனுமதிக்கப்பட்டுள்ளதாகவும் தெரிவிக்கப்படுகின்றது.