ரயில் சேவைகள் சில இரத்து!

கொழும்பு கோட்டை ரயில் நிலையத்தில் இருந்து புறப்படவிருந்த ரயில் சேவைகள் சில இன்று இரத்துச் செய்யப்பட்டுள்ளன.

நீர்கொழும்பு, ரம்புக்கனை மற்றும் பொல்கஹவெல வரை முன்னெடுக்கப்படவிருந்த 4 ரயில்கள் இரத்து செய்யப்பட்டுள்ளதாக ரயில்வே கட்டுப்பாட்டு நிலையம் தெரிவித்துள்ளது.

தொடரும் எரிபொருள் நெருக்கடி காரணமாக ஊழியர்களுக்கு சேவைக்கு வருகை தருவதில் ஏற்பட்டுள்ள சிக்கலே இதற்கான காரணமென தெரிவிக்கப்பட்டுள்ளது.

எனினும் மற்றைய ரயில் சேவைகள் வழமைப் போன்று இடம்பெறுகின்றன.

ஆனால் எரிபொருள் நெருக்கடி நீடிக்குமாக இருந்தால் இதுபோல் மேலும் பல ரயில் சேவைகள் எதிர்வரும் நாட்களில் இரத்தாகலாம் என்று தெரிவிக்கப்படுகின்றது.