கொழும்பு, கோட்டையில் இருந்து புறப்படவிருந்த அனைத்து ரயில் சேவைகளும் இன்று நண்பகல் முதல் நிறுத்தப்பட்டுள்ளன.
ரயில்வே ஊழியர்களினால் முன்னெடுக்கப்படும் வேலை நிறுத்தப் போராட்டம் காரணமாகவே ரயில் சேவைகள் நிறுத்தப்பட்டுள்ளன.
எரிபொருள் கிடைக்காமையினால் ரயில்வே ஊழியர்களுக்கு பணிகளுக்கு செல்ல முடியாத நிலைமை ஏற்பட்டுள்ளதால் ரயில் சேவைகள் பல இரத்துச் செய்யப்பட்டதையடுத்து கோட்டை ரயில் நிலையத்தில் ஏற்பட்ட அமைதியின்மையை தொடர்ந்தே இந்த வேலை நிறுத்தம் முன்னெடுக்கப்படுகின்றது.
அங்கு அமைதியின்மை நிலவிய போதும், ரயில்வே திணைக்கள உயர் அதிகாரிகள் யாரும் அவ்விடத்திற்கு வரவில்லை என்று ரயில்வே தொழிற்சங்கங்கள் தெரிவித்துள்ளன.
இதனால் தற்போதைய நிலைமையை கருத்திற்கொண்டு வேலை நிறுத்தப் போராட்டத்தை முன்னெடுக்க தீர்மானித்துள்ளதாக ரயில்வே தொழிற்சங்கங்கள் அறிவித்துள்ளன.
