இந்தியாவிடம் இருந்து 55 மில்லியன் அமெரிக்க டொலர்கள் கடனை பெற்றுக்கொள்வதற்கான உடன்படிக்கையில் இலங்கை கைச்சாத்திட்டுள்ளது.
நிதியமைச்சின் செயலாளர் எம்.சிறிவர்தன, இந்திய எக்ஸிம் வங்கியுடன் இதற்கான ஒப்பந்தத்தில் கைச்சாத்திட்டார்.
65,000 மெட்ரிக் டொன் யூரியா உரத்தை இறக்குமதி செய்வதற்கு இந்திய அரசாங்கத்திடம் கடன் வசதியை அரசாங்கம் கோரியது.
இந்த கடனுதவி சிறுபோக பருவத்தில் யூரியா உர தேவையின் உடனடி தேவையை பூர்த்தி செய்யும் பொருட்டு கோரப்பட்டுள்ளது.
இந்த கோரிக்கைக்கு பதிலளிக்கும் விதமாக, இந்தியாவில் இருந்து யூரியா உரம் கொள்முதல் செய்வதற்கு 55 மில்லியன் அமெரிக்க டொலர்கள் கடனை வழங்க இந்திய அரசு ஒப்புக்கொண்டது.
இதன்படி, உடன்படிக்கையில் கைச்சாத்திடும் நிகழ்வு, கொழும்பில் பிரதமர் ரணில் விக்கிரமசிங்க மற்றும் இலங்கைக்கான இந்திய உயர்ஸ்தானிகர் கோபால் பாக்லே தலைமையில் இன்று இடம்பெற்றது
அத்தியாவசிய உணவுப் பொருட்களின் பற்றாக்குறையை நாடு எதிர்கொண்டுள்ள நிலையில், மக்களுக்கு உணவுப் பாதுகாப்பை உறுதி செய்வதே தனது முன்னுரிமை என்று பிரதமர் சுட்டிக்காட்டினார்.
