உலகில் சிறந்த துறைமுகங்களின் பட்டியலில் கொழும்புத் துறைமுகம் 22 ஆவது இடத்தை பிடித்துள்ளது.
இதேவேளை இந்து சமுத்திர வலயத்தில் 3 ஆவது இடத்தையும், இந்திய துணைக்கண்டம் மற்றும் தெற்காசியாவில் மிகவும் செயல் திறன் மிக்க துறைமுகமாகவும் தரப்படுத்தப்பட்டுள்ளது.
குளோபல் மார்க்கெட்டிங் இன்டெலிஜென்ஸ் சமுத்திர, வர்த்தக மற்றும் விநியோகப் பிரிவு மற்றும் உலக வங்கியின் உலகளாவிய போக்குவரத்து நடவடிக்கை ஆகியவற்றுடன் இணைந்து வெளியிடப்படும் துறைமுக செயல்திறன் குறியீட்டில் 2021 இந்தத் தரவுகள் பதியப்பட்டுள்ளன.
இதன்படி உலகில் உள்ள 370 துறைமுகங்களில் 22 ஆவது இடம் கொழும்பு துறைமுகத்திற்கு கிடைத்துள்ளது.
இதேவேளை இலங்கையின் துறைமுக அபிவிருத்திக்கான அனைத்து அபிவிருத்தித் திட்டங்களும் தொடர்ந்தும் முன்னெடுக்கப்படும் என்று இலங்கை துறைமுக அதிகார சபையின் தலைவர் கலாநிதி பிரசாந்த ஜயமான்ன தெரிவித்துள்ளார்.
