சமையல் எரிவாயு சிலிண்டர் விநியோகம் பெரும் நெருக்கடி நிலைக்கு தள்ளப்பட்டுள்ள நிலையில், எதிர்காலத்தில் அதனை விநியோகிப்பதில் புதிய முறைகளை அறிமுகப்படுத்த லிட்ரோ நிறுவனம் தீர்மானித்துள்ளது.
இதற்கமைய மின்சாரக் கட்டணப் பட்டியல் அடிப்படையில் மாதாந்தம் ஒவ்வொரு குடும்பத்திற்கும் எரிவாயுவை விநியோகிக்க எதிர்பார்த்துள்ளதாக லிட்ரோ நிறுவனத்தின் உயர் அதிகாரியொருவர் தெரிவித்துள்ளார்.
நாடு எதிர்நோக்கியுள்ள பொருளாதார நெருக்கடி நிலைமையில் சிலர் ஒரே நேரத்தில் அதிகளவில் சிலிண்டர்களை பெற்று பதுக்கி வைப்பதுடன், அவற்றை அதிக விலைக்கு விற்பனை செய்யும் செயற்பாடுகளும் இடம்பெறுவதாக அந்த அதிகாரி சுட்டிக்காட்டியுள்ளார்.
இதனால் ஏற்படக்கூடிய நெருக்கடி நிலைமைகளை தடுக்கும் வகையில் மின்சார கட்டண பட்டியலை அடிப்படையாகக் கொண்டு அவற்றை விநியோகிக்க ஆராயப்பட்டுள்ளதாக அவர் குறிப்பிட்டுள்ளார்.
