கொழும்பின் சில பிரதேசங்களில் எதிர்வரும் சனிக்கிழமை 10 மணித்தியால நீர்வெட்டு அமுல்படுத்தப்படவுள்ளது.
இதன்படி சனிக்கிழமை இரவு 10 மணி முதல் ஞாயிற்றுக்கிழமை காலை 8 மணி வரையில் கொழும்பு 12, 13, 14 மற்றும் 15 ஆகிய பகுதிகளில் நீர்வெட்டு அமுல்படுத்தப்படும் என்று தேசிய நீர்வழங்கல் வடிகாலமைப்பு சபை தெரிவித்துள்ளது.
அத்தியாவசிய திருத்தப்பணிகள் காரணமாகவே இந்த நீர்வெட்டை அமுல்படுத்தவுள்ளதாக அந்த சபை தெரிவித்துள்ளது.
இந்தக் காலப்பகுதியில் ஏற்படக்கூடிய அசௌகரியங்களை தவிர்த்துக்கொள்ள, நீரை முன்கூட்டியே சேமித்து வைத்துக்கொள்ளுமாறு குறித்த பிரதேச மக்களிடம் தேசிய நீர்வழங்கல் மற்றும் வடிகாலமைப்பு சபை கேட்டுக்கொண்டுள்ளது.
