யாழ்ப்பாணம், திருநெல்வேலி பகுதியில் இரண்டு மோட்டார் சைக்கிள்கள் நேருக்கு நேர் மோதி விபத்துக்கு உள்ளானதில் மூவர் உயிரிழந்துள்ளனர்.
நேற்று இரவு 10 மணியளவில் இந்த சம்பவம் இடம்பெற்றுள்ளதாக பொலிஸார் தெரிவித்துள்ளனர்.
ஒரு மோட்டார் சைக்கிளில் மூவரும் மற்றுமொரு மோட்டார் சைக்கிளில் இருவரும் பயணித்த நிலையில் இரு மோட்டார் சைக்கிள்களும் வேகக்கட்டுப்பாட்டை இழந்து நேருக்கு நேர் மோதிக்கொண்டுள்ளதாக கூறப்படுகின்றது.
இதன்போது, மோட்டார் சைக்கிள் இரண்டும் தீ பற்றி எரிந்துள்ளதாகவும், இவ்வேளையில் இருவர் சம்பவ இடத்திலேயே உயிரிழந்துள்ளதுடன், மேலும் ஒருவர் வைத்தியசாலையில் அனுமதிக்கப்பட்ட போது உயிரிழந்துள்ளதாக தெரிவிக்கப்படுகின்றது.
சம்பவத்தில் உயிரிழந்தவர்கள் சுன்னாகம், கோப்பாய் மற்றும் யாழ்ப்பாணம் பகுதியைச் சேர்ந்த 17, 23 மற்றும் 25 வயதுடையவர்கள் என அடையாளம் காணப்பட்டுள்ளனர்.
விபத்து தொடர்பாக கோப்பாய் பொலிஸார் விசாரணைகளை முன்னெடுத்து வருகின்றனர்.
