யாழ்ப்பாணம், கொடிகாமம் பகுதியில் ரயில் கடவையொன்றில் இடம்பெற்ற விபத்தில் ஒரே குடும்பத்தை சேர்ந்த மூவர் உயிரிழந்துள்ளனர்.
சிறிய ரக லொறியொன்று ரயிலுடன் மோதியதாலேயே இந்த விபத்துச் சம்பவம் இடம்பெற்றுள்ளதாக பொலிஸார் தெரிவித்துள்ளனர்.
காங்கேசன்துறையில் இருந்து கொழும்பு நோக்கி ரயில் பயணித்துக்கொண்டிருந்த போது, மிருசுவில் வைத்தியசாலைக்கு அண்மையில் உள்ள ரயில் கடவையில் அந்த லொறி ரயிலில் மோதியுள்ளது.
இந்த விபத்தில் கொடிகாமம் தவசிக்குளம் பகுதியை சேர்ந்த தந்தையொருவரும் அவரின் இரண்டு பிள்ளைகளும் உயிரிழந்துள்ளதாக தெரிவிக்கப்படுகின்றது.
