இந்திய எல்லைக்குள் நுழைந்த இலங்கை மீனவர்கள் கைது!

File Photo

சட்ட விரோதமான முறையில் இந்திய கடற்பரப்புக்குள் நுழைந்த இலங்கை மீனவர்கள் 5 பேர் கைது செய்யப்பட்டுள்ளனர்.

கன்னியாகுமரி கடற்பரப்பில் வைத்து இந்திய கடலோர காவல்படையினரால் நேற்று இவர்கள் கைது செய்யப்பட்டுள்ளதாக தெரிவிக்கப்படுகின்றது.

கைதான மீனவர்கள் சிலாபத்தை சேர்ந்தவர்கள் என்று தகவல்கள் வெளியாகியுள்ளன.

கைதான மீனவர்கள் தமிழகத்தின் தூத்துக்குடி துறைமுகத்திற்கு அழைத்துச் செல்லப்பட்டுள்ளதுடன், இந்திய கடலோர காவல்படையினர் அவர்களிடம் விசாரணைகளை முன்னெடுத்து வருகின்றனர்.