கொழும்பில் பல பகுதிகளிலும் மார்ச் 5 ஆம் திகதி இரவு முதல் 14 மணித்தியால நீர்வெட்டு அமுல்படுத்தப்படும் என்று தேசிய நீர் வழங்கல் மற்றும் வடிகாலமைப்புச் சபை தெரிவித்துள்ளது.
கொழும்பு 07, 08, 10, 12, 13, 14 மற்றும் 15 ஆகிய இடங்களில் இந்த நீர்வெட்டு அமுல்படுத்தப்படும் என்று தெரிவிக்கப்பட்டுள்ளது.
இதன்படி 5 ஆம் திகதி இரவு 8 மணி முதல் 6 ஆம் திகதி காலை 10 மணி வரையிலும் நீர்வெட்டு அமுலில் இருக்கும் என்று நீர் வழங்கல் மற்றும் வடிகாலமைப்புச் சபை குறிப்பிட்டுள்ளது.
மேலும், இந்தக் காலப்பகுதியில் கொழும்பு 02, 03 மற்றும் 11 ஆகிய பிரதேசங்களுக்கு குறைந்த அழுத்தத்தில் நீர் விநியோகிக்கப்படும் எனவும் அறிவிக்கப்பட்டுள்ளது.
நீர்வெட்டு இடம்பெறும் காலப்பகுதியில் ஏற்படக் கூடிய அசௌகரியங்களை தவிர்த்துக்கொள்வதற்காக தேவையான நீரை முன்கூட்டியே சேமித்து வைத்துக்கொள்ளுமாறு நீர் வழங்கல் மற்றும் வடிகாலமைப்புச் சபை, குறித்த பகுதி மக்களை கேட்டுக்கொண்டுள்ளது.
