இலங்கை கடற்பரப்புக்குள் அத்துமீறி நுழைந்த குற்றச்சாட்டில் இந்திய மீனவர்கள் 11 பேர் கைது செய்யப்பட்டுள்ளனர்.
தலைமன்னாருக்கு வடக்கே இலங்கை கடற்பரப்பில் மீன்பிடித்துக்கொண்டிருந்த போது, இரண்டு விசைப் படகுகளுடன் 12 ஆம் திகதி இரவு இவர்கள் கைது செய்யபட்டதாக இலங்கை கடற்படையினர் தெரிவித்துள்ளனர்.
இதேவேளை இவர்கள் ராமேஸ்வரம் மீன்பிடித் துறைமுகத்தில் இருந்து கடலுக்கு சென்ற மீனவர்கள் என்று தமிழக மீனவர்கள் தெரிவிக்கின்றனர்.
இந்நிலையில் தமது மீனவர்களுக்கு எதிராக முன்னெடுக்கப்படும் நடவடிக்கைகளை கண்டித்து போராட்டம் நடத்த திட்டமிட்டுள்ளதாக ராமேஸ்வரம் மீனவர்கள் சங்கம் அறிவித்துள்ளது.
