File Photo
இலங்கை கடற்பரப்புக்குள் அத்துமீறி நுழைந்த குற்றச்சாட்டில் இந்திய மீனவர்கள் 21 பேர் வடக்கு கடலில் கைது செய்யப்பட்டுள்ளனர்.
2 படகுகளுடன் இவர்கள் கைது செய்யப்பட்டுள்ளதாக இலங்கை கடற்படையினர் தெரிவித்துள்ளனர்.
நேற்று இரவு இந்த மீனவர்கள் இலங்கை கடற்பரப்புக்குள் நுழைந்துள்ளதாகவும் இதன்போது இவர்களின் படகுகளை முடக்கியுள்ள இலங்கை மீனவர்கள், அது தொடர்பில் கடற்படையினருக்கு அறிவித்து இந்திய மீனவர்களை கடற்படையினரிடம் ஒப்படைத்துள்ளனர்.
பின்னர் கடற்படையினர் கைது செய்த மீனவர்கள் 21 பேரும் காங்கேசன்துறை பொலிஸாரிடம் ஒப்படைக்கப்பட்டுள்ளனர்.
இதேவேளை இந்திய மீனவர்களின் அத்துமீறல்களை கண்டித்து வடக்கு மீனவர்கள் தொடர்ந்தும் பல்வேறு போராட்டங்களில் ஈடுபட்டு வருகின்றமை குறிப்பிடத்தக்கது.
