பெருந்தோட்ட மக்களின் அபிவிருத்தியை நோக்காகக் கொண்டு விசேட ஜனாதிபதி செயலணியை அமைப்பதற்கு எனது ஆட்சியில் நடவடிக்கை எடுப்பேன் என்று எதிர்க்கட்சித் தலைவர் சஜித் பிரேதாச தெரிவித்துள்ளார்.
தொழிலாளர் தேசிய சங்கத்தின் தலைவர் பழனி திகாம்பரத்தின் ஏற்பாட்டில், நுவரெலியா சினிசிடா மைதானத்தில் இன்று தைப்பொங்கல் விழா நடைபெற்றது.
இந்நிகழ்வில் பிரதம அதிதியாக எதிர்க்கட்சித் தலைவர் சஜித் பிரேமதாச மற்றும் இலங்கைக்கான இந்திய உயர்ஸ்தானிகர் கோபால் பாக்லே ஆகியோர் கலந்துகொண்டிருந்தனர்.
இதன்போது உரையாற்றிய எதிர்க்கட்சித் தலைவர், எனது தந்தையே மலைய மக்களின் வாழ்வுரிமையை பாதுகாத்து பிரஜா உரிமை போராட்டத்தை தொடங்கி வைத்தார். அதேபோல் பெருந்தோட்ட மக்களை காணி உரிமையாளர்களாக மாற்றும் இரண்டாவது போராட்டத்தில் அவரின் மகனான நான் வெற்றிபெறுவேன் என்று அவர் தெரிவித்துள்ளார்.
எவ்வாறாயினும் பெருந்தோட்ட மக்களின் எதிர்காலத்தை பாதுகாக்கும் பொறுப்பை நான் ஏற்றுக் கொள்கின்றேன். வேறு யாருக்கும் இது முடியாது´ என்றும் சஜித் பிரேமதாச தெரிவித்துள்ளார்.
