சுகாதார கட்டுப்பாடுகளுடன் பல்கலைக்கழகங்கள் திறப்பு!

சுகாதார ஒழுங்குவிதிகளுடன் பல்கலைக்கழகங்களை மீளத் திறப்பதற்கு பல்கலைக்கழகங்கள் ஆணைக்குழு அனுமதி வழங்கியுள்ளது.

இதன்படி 50 வீதமான மாணவர்களுடன் பல்கலைக்கழகங்களில் விரிவுரைகள் உள்ளிட்ட செயற்பாடுகளை முன்னெடுக்க முடியுமென்று பல்கலைக்கழக மானியங்கள் ஆணைக்குழுவின் தலைவர், சிரேஷ்ட பேராசிரியர் சம்பத் அமரதுங்க தெரிவித்துள்ளார்.

கொவிட் தொற்று அச்சுறுத்தல் காரணமாக கடந்த பல மாதங்களாக பல்கலைக்கழக கற்றல் நடவடிக்கைகள் இணையம் ஊடாகவே இடம்பெற்று வந்தன.

இந்நிலையில் பல்கலைக்கழக மானியங்கள் ஆணைக்குழுவில் நேற்றிரவு நடைபெற்ற கலந்துரையாடல்களின் போது, சுகாதார ஒழுங்குவிதிகளுடன் பல்கலைக்கழகங்களை மீள ஆரம்பிப்பதற்கு தீர்மானம் எடுக்கப்பட்டுள்ளது.

இதன்படி பல்கலைக்கழகங்களில் கல்வி நடவடிக்கைகளை ஆரம்பிப்பதற்கு தேவையான நடைமுறைகளை முன்னெடுக்குமாறு துணை வேந்தர்களுக்கு அறிவிக்கப்பட்டுள்ளது.