கொழும்பு பங்குச் சந்தை விலைச் சுட்டியில் புதிய சாதனை!

கொழும்பு பங்குச் சந்தையில் அனைத்து பங்குகளின் விலைச் சுட்டி (ASPI) வரலாற்றில் முதற்தடவையாக 12,000 புள்ளிகளை கடந்துள்ளது.

இன்றைய தினம் பிற்பகல் 12.30 மணி வரையான பரிவர்த்தனை காலப்பகுதியில், அனைத்து பங்குகளின் விலைச் சுட்டி 12,070.68 புள்ளிகளாக காணப்பட்டதாக கொழும்பு பங்குச் சந்தை தெரிவித்துள்ளது.

நேற்றைய தினத்தில் பரிவர்த்தனை முடிவில் அனைத்து பங்குகளின் விலைச் சுட்டி 11,951.21 புள்ளிகளாக காணப்பட்ட நிலையில், இன்றைய தினம் அது 12,000 ஐ கடந்துள்ளது.

இதேவேளை S&P SL20 விலைச் சுட்டியிலும் குறிப்பிடத்த அளவு உயர்வு ஏற்பட்டுள்ளது.

அத்துடன் இன்றைய பங்குளின் மொத்த புரள்வின் பெறுமதி 28.40 பில்லியன் ரூபாவாகும் என்று கொழும்பு பங்குச் சந்தை அறிவித்துள்ளது.