இலங்கையில் எந்தவொரு பிரதேசத்திலும் இன்று மின்சாரம் தடைப்படாது என இலங்கை மின்சார சபை தெரிவித்துள்ளது.
எவ்வாறாயினும் 6 ஆம் மற்றும் 7 ஆம் திகதிகளில் சில பிரதேசங்களில் மின்சாரம் தடைப்படும் என மின்சார சபையின் பொது முகாமையாளர் எம்.ஆர். ரணதுங்க கூறியுள்ளார்.
எனினும் 7 ஆம் திகதிக்கு பின்னர் மின் விநியோகம் முழுமையாக வழமைக்கு திரும்பும் எனவும் அவர் குறிப்பிட்டுள்ளார்.
இலங்கையில் பிரதான மின் விநியோக கட்டமைப்பில் ஏற்பட்ட தொழில்நுட்பக் கோளாறு காரணமாக கடந்த 3 ஆம் திகதி நாடு முழுவதும் 6 மணித்தியாலங்கள் மின் விநியோகம் தடைப்பட்டது.
இதனை தொடர்ந்து இந்தப் பிரச்சனையை முழுமையாக தீர்க்கும் வரை தேவையின் அடிப்படையில் குறுகிய கால மின் விநியோக தடை ஏற்படக்கூடும் என இலங்கை மின்சார சபை அறிவித்திருந்தது.
