2020 ஆம் ஆண்டுக்கான க.பொ.த சாதாரண தரப் பரீட்சையின் அழகியல் பாடங்கள் தொடர்பான செயல்முறை பரீட்சைகள் எதிர்வரும் டிசம்பர் மாதம் நடைபெறவுள்ளதாக பரீட்சைகள் திணைக்களம் அறிவித்துள்ளது.
அதன்படி, இந்த பரீட்சைகள் டிசம்பர் 1 முதல் 11 வரை நடைபெறும் என தெரிவிக்கப்பட்டுள்ளது.
கொவிட் தொற்று காரணமாக பாடசாலைகள் மூடப்பட்டதையடுத்து, அழகியல் பாடங்களில் செயல்முறை பரீட்சைகளை குறித்த தினத்தில் நடத்த முடியாது போயிருந்தது.
இதேவேளை, 2021 ஆம் ஆண்டுக்கான 5 ஆம் தர புலமைப் பரிசில், க.பொ.த சாதாரண தரம் மற்றும் உயர்தரப் பரீட்சைகள் நடைபெறவுள்ள தினங்கள் இலங்கை பரீட்சைகள் திணைக்களத்தினால் ஏற்கனவே அறிவிக்கப்பட்டுள்ளது.
இதன்படி 5 ஆம் தரப் புலமைப் பரிசில் பரீட்சை 2022 ஜனவரி 22 ஆம் திகதியும் க.பொ.த உயர்தரப் பரீட்சைகள் பெப்ரவரி 7 ஆம் திகதி முதல மார்ச் 5 ஆம் திகதி வரையிலும் மற்றும் க.பொ.த சாதாரண தரப் பரீட்சை மே 23 ஆம் திகதி முதல் ஜுன் 1 ம் திகதி வரையிலும் நடைபெறுமென தெரிவிக்கப்பட்டுள்ளது.
