அரசியல் பழிவாங்கல்களை ஆராயும் ஆணைக்குழுவின் பரிந்துரைக்கான காலம் நீடிக்கப்பட்டது

அரசியல் பழிவாங்கல்களை ஆராயும் விசேட ஜனாதிபதி ஆணைக்குழு பரிந்துரைகளை முன்வைப்பதற்கான காலம் நீடிக்கப்பட்டுள்ளது.

குறித்த ஆணைக்குழு பரிந்துரைகளை முன்வைப்பதற்கான காலம் நேற்றுடன் முடிவடைய இருந்த நிலையில், மேலும் 6 மாதங்கள் நீடிக்கப்பட்டுள்ளன.

உயர் நீதிமன்ற நீதியரசர் தம்மிக பிரியன்த தலைமையில் இயங்கி வரும் இந்த ஆணைக்குழு, இவ்வருடம் ஜனவரி மாதம் 28 ஆம் திகதி ஸ்தாபிக்கப்பட்டது.

இந்த ஆணைக்குழு அரசியல் பழிவாங்கல்கள் தொடர்பான அறிக்கையின் பரிந்துரைகளை செயற்படுத்துவதற்கான பொறிமுறைகளை ஆராய்ந்து வருகிறது.