மாணவர்கள் மற்றும் ஆசிரியர்கள் வியாழக்கிழமை (21) பாடசாலைக்கு வருவதை யாராலும் தடுக்க முடியாது என கல்வி அமைச்சர் தினேஷ் குணவர்தன தெரிவித்துள்ளார்.
அறிக்கை ஒன்றை வெளியிட்டுள்ள அவர்;
பாடசாலை மாணவர்களின் எதிர்காலம் பெற்றோரின் மகிழ்ச்சி மட்டுமல்ல, ஒட்டுமொத்த தேசத்தின் மகிழ்ச்சியும் ஆகும்.
ஜனாதிபதி, பிரதமர் மற்றும் நிதி அமைச்சர் ஆகியோர் தலையிட்டு ஆசிரியர்களின் சம்பளத்தை அதிகரிக்க நம்பகமான தீர்வை முன்வைத்துள்ளதாக கல்வி அமைச்சர் தினேஷ் குணவர்தன அந்த அறிக்கையில் தெரிவித்துள்ளார்.
இதேவேளை,வியாழக்கிழமை முதல் பல கட்டங்களாக பாடசாலைகள் மீளவும் திறக்கப்படுகின்றன.இதன்படி, 200 க்கும் குறைவான மாணவர்களை கொண்ட பாடசாலைகளின் கல்வி நடவடிக்கைகள் வியாழக்கிழமை (21) முதல் தொடங்கும் என்று அரசாங்கம் அறிவித்துள்ளது.
