ஐக்கிய நாடுகள் சபையின் சுற்றாடல் அதிகாரிகளின் பிரதிநிதிகள் மாநாட்டின் தலைவராக இலங்கை சுற்றாடல் அமைச்சின் செயலாரான, முன்னாள் சுகாதாரப் பணிப்பாளர் வைத்தியர் அணில் ஜாசிங்க நியமிக்கப்பட்டுள்ளார்.
ஐக்கிய நாடுகள் சபையின் 4 ஆவது சுற்றாடல் மாநாடு தென் கொரியாவின் சுவோனில் நடைபெற்று வருகின்றது.
இந்த மாநாட்டில் ஆசிய-பசிபிக் பிராந்தியத்தின் 47 நாடுகளைச் சேர்ந்த சுற்றாடல் அமைச்சர்கள் மற்றும் அதிகாரிகள் கலந்து கொண்டுள்ளனர்.
இதில் கலந்து கொண்டுள்ள இலங்கை சுற்றாடல் அமைச்சின் செயலாளர் வைத்திய நிபுணர் அணில் ஜாசிங்க ஆசிய-பசிபிக் உறுப்பு நாடுகளின் சுற்றாடல் அதிகாரிகளின் 4 ஆவது அமர்வின் தலைவராக நியமிக்கப்பட்டுள்ளார்.
அடுத்த ஒரு வருடத்திற்கு இந்த பதவிக்கு வைத்திய நிபுணர் அணில் ஜயசிங்க தேர்ந்தெடுக்கப்பட்டுள்ளார்.
அதன்படி, அடுத்த ஆண்டு பெப்ரவரியில் நடைபெறவுள்ள ஐக்கிய நாடுகள் சுற்றாடல் திட்டத்தின் 5 ஆவது பொதுக்கூட்டத்தில் அவர் ஆசிய-பசிபிக் சுற்றாடல் பிரதிநிதிகள் பணியகத்தை பிரதிநிதித்துவப்படுத்த உள்ளார்.
