அதிக எண்ணிக்கையான பயணிகள் மத்தல சர்வதேச விமான நிலையத்தின் ஊடாக நாட்டிற்கு வருகை!

மத்தல ராஜபக்‌ஷ சர்வதேச விமான நிலையத்திற்கு இந்த ஆண்டு அதிக பயணிகள் வருகை தந்துள்ளதாக அமைச்சர் நாமல் ராஜபக்‌ஷ தெரிவித்துள்ளார்.

ஜனவரி 2021 முதல் மொத்தம் 25,767 பயணிகள் மத்தள விமான நிலையத்தின் ஊடாக பயணத்தை மேற்கொண்டுள்ளதாக அவர் கூறினார்.

2020 ஆம் ஆண்டில் பயணிகள் வருகை 17,544 ஆகவும் 2019 இல் 1,403 ஆக  பதிவாகியிருந்ததாக அவர் சுட்டிக்காட்டினார்.

பயணிகளின் எண்ணிக்கை மட்டுமன்றி, சரக்குகளின் எண்ணிக்கையும் மற்றைய ஆண்டுகளுடன் ஒப்பிடுகையில் குறிப்பிடத்தக்க அதிகரிப்பை காட்டியுள்ளதாக அமைச்சர் மேலும் கூறினார்.

நாட்டின் பிரதான விமான நிலையமாக மத்தள விமான நிலையத்தை மேம்படுத்துவதற்கு அரசாங்கம் உறுதிபூண்டுள்ளதாக அவர் மேலும் குறிப்பிட்டார்.

மத்தல ராஜபக்‌ஷ சர்வதேச விமான நிலையம் மார்ச் 2013 இல் அப்போதைய ஜனாதிபதியும் தற்போதைய பிரதமருமான மஹிந்த ராஜபக்‌ஷவினால் திறந்து வைக்கப்பட்டது.