இலங்கையில் எதிர்வரும் 6 மாதங்களுக்கென பொருளாதார அபிவிருத்தித் திட்டமொன்று தயாரிக்கப்பட்டுள்ளதாக மத்திய வங்கி ஆளுநர் அஜித் நிவாட் கப்ரால் தெரிவித்துள்ளார்.
தனது டுவிட்டர் பக்கத்தில் அஜித் நிவாட் கப்ரால் இது தொடர்பில் குறிப்பிட்டுள்ளார்.
அதில் அவர், ”எதிர்வரும் 6 மாதங்களை இலக்காகக் கொண்டு பொருளாதாரத்திற்கான திட்டப் பாதையொன்றை ஒக்டோபர் முதலாம் திகதி வெளியிட தயாராகியுள்ளோம். அனைத்து முக்கிய அம்சங்களையும் உள்ளடக்கியதாக அது இருக்கும்” என்று குறிப்பிட்டுள்ளார்.
Getting ready to unveil the Road Map for the SL #Economy for the next 6 months on 1st October. It would cover all key aspects & be in the form of a "TO DO LIST". @CBSL #SriLanka #GoSL #roadmap pic.twitter.com/D2RKiq41dm
— Ajith Nivard Cabraal (@an_cabraal) September 18, 2021
நிதி இராஜாங்க அமைச்சராக பதவி வகித்த அஜித் நிவாட் கப்ரால், கடந்த 15 ஆம் திகதி மத்திய வங்கி ஆளுநராக பதவியேற்றார்.
அவர் மத்திய வங்கிய ஆளுநராக பதவியேற்ற பின்னர் 2021 வருட இறுதியில் இலங்கையின் பொருளாதாரத்தில் 5 சதவீத வளர்ச்சியை எதிர்பார்க்க முடியும் என்று ஊடங்களுக்கு கூறியிருந்தார்.
இதேவேளை, இவரின் கையொப்பத்துடன் கடந்த 17 ஆம் திகதி புதிதாக 45.95 பில்லியன் ரூபா நாணயத் தாள்கள் அச்சிடப்பட்டுள்ளதாக தகவல்கள் வெளியாகியுள்ளமையும் குறிப்பிடத்தக்கது.
