தனமல்வில,ஹம்பாந்தோட்டை பகுதிகளில் சிறிய அளவிலான நில அதிர்வு பதிவு

தனமல்வில பகுதியில் செவ்வாய்க்கிழமை (24) இரவு 9.20 மணியளவில் 2.5 ரிக்டர் அளவிலான சிறிய நிலநடுக்கம் பதிவாகியுள்ளதாக தெரிவிக்கப்படுகின்றது.

புவிச்சரிதவியல் மற்றும் சுரங்கப் பணியகம் இந்த தகவலை உறுதிப்படுத்தியுள்ளது.

அதனை தொடர்ந்து ஹம்பாந்தோட்டை மற்றும் அதனைச் சூழவுள்ள சில பகுதிகளில் 2 ரிச்டர் அளவிலான சிறு நில நடுக்கம் உணரப்பட்டுள்ளதாக புவி சரிதவியல் அளவை மற்றும் சுரங்கப் பணியகத்தின் தலைவர் தெரிவித்துள்ளார்.

இந்நிலையில்,யாழ்ப்பாணம் – காங்கேசன்துறையிலிருந்து 610 கிலோமீட்டர் தூரத்தில் வங்காள விரிகுடாவில் 5.1 மெக்னிடியூட் அளவில் நிலநடுக்கம் நண்பகல் 12.30 அளவில் பதிவாகி இருந்தமை குறிப்பிடத்தக்கது.