சீனாவில் இருந்து மேலும் ஒருதொகை தடுப்பூசிகள் இலங்கை வந்தன

சீனாவில் இருந்து கொள்வனவு செய்யப்பட்ட மேலும் ஒருதொகை ‘சினோபார்ம்’ தடுப்பூசிகள் இலங்கை வந்தடைந்தன.

இதன்படி 1.86 மில்லியன் தடுப்பூசி டோஸ்கள் இன்று காலை கட்டுநாயக்க விமான நிலையத்தை வந்தடைந்துள்ளதாக இராஜாங்க அமைச்சர் சன்ன ஜயசுமன தெரிவித்துள்ளார்.

இலங்கை மருந்தாக்கல் கூட்டுத்தாபனத்தால் இவை கொள்வனவு செய்யப்பட்டுள்ளதாக அவர் குறிப்பிட்டுள்ளார்.

இதற்கமைய, இலங்கைக்கு இதுவரையில் 14.7 மில்லியன் சினோபார்ம் தடுப்பூசி டோஸ்கள் கிடைக்கப் பெற்றுள்ளதாக இராஜாங்க அமைச்சர் குறிப்பிட்டுள்ளார்.

இதேவேளை ஜப்பான் இலங்கைக்கு நன்கொடையாக வழங்கிய 14 இலட்சம் ‘அஸ்ட்ரா செனகா’ தடுப்பூசிகளில் இரண்டாம் கட்டமாக அனுப்பப்பட்ட 728,000 தடுப்பூசிகள் நேற்றைய தினம் நாட்டை வந்தடைந்தமை குறிப்பிடத்தக்கது.