திங்கட்கிழமை அமைச்சரவைப் பத்திரம் மூலம் ஆசிரியர்களின் பிரச்சினைகளுக்கு தீர்வு கிடைக்காவிடின் போராட்டம் புதிய வடிவில் தொடரும் என்று இலங்கை ஆசிரியர் சங்கத்தின் செயலாளர் ஜோசப் ஸ்டாலின் தெரிவித்துள்ளார்.
இன்று கொழும்பில் நடைபெற்ற ஊடக சந்திப்பில் அவர் இதனைத் தெரிவித்துள்ளார்.
அதிபர், ஆசிரியர்களின் சம்பள முரண்பாடு உள்ளிட்ட கோரிக்கைகளுக்கு தீர்வு கோரி ஆரம்பித்த போராட்டம், 20 நாட்களாக தொடர்கிறது.
தமது போராட்டம் தீர்க்கமான கட்டத்தை அடைந்துள்ளதாகவும், திங்கட்கிழமை அமைச்சரவைப் பத்திரம் தயாரிக்கப்படும் என்று நம்புவதாகவும் ஜோசப் ஸ்டாலின் தெரிவித்துள்ளார்.
அதிபர், ஆசிரியர்கள் திருப்திப்படும் வகையிலான தீர்வு வழங்கப்படவில்லை எனின் அடுத்த வாரம் புதிய வடிவிலான போராட்டங்கள் தொடரும் என்று ஆசிரியர் சங்கம் தெரிவித்துள்ளது.
இலங்கையின் பல்வேறு பகுதிகளில் இன்றும் ஆசிரியர் சங்க பிரதிநிதிகள் ஆர்ப்பாட்டத்தில் ஈடுபட்டுள்ளனர்.
