ஸ்ரீலங்கா பொதுஜன பெரமுன தேசிய பட்டியல் பாராளுமன்ற உறுப்பினராக பசில் ராஜபக்ஷவை உள்வாங்கிக்கொள்வதற்கான விபரங்களை தேர்தல் ஆணைக்குழுவுக்கு வழங்கியதாக கட்சியின் பொதுச் செயலாளர் தெரிவித்துள்ளார்.
ஜயந்த கெட்டகொட பாராளுமன்ற உறுப்பினர் பதவியை இராஜினாமா செய்ததில் ஏற்பட்ட வெற்றிடத்துக்கு பசில் ராஜபக்ஷவின் பெயர் பரிந்துரைக்கப்பட்டுள்ளது.
பசில் ராஜபக்ஷ நாளை மறுநாள் வியாழக்கிழமை பாராளுமன்ற உறுப்பினராக பதவியேற்பார் என்று கட்சியின் பொதுச் செயலாளர் சாகர காரியவசம் தெரிவித்துள்ளார்.
பசில் ராஜபக்ஷவுக்கு பலமான அமைச்சுப் பதவியொன்று வழங்கப்பட உள்ளதாகவும் அவர் குறிப்பிட்டுள்ளார்.
நாட்டின் பொருளாதார முன்னேற்றத்தில் பசில் ராஜபக்ஷ கவனம் செலுத்தவுள்ளதாகவும், நாளை மறுநாள் பதவியேற்பார் என்றும் பாராளுமன்ற உறுப்பினர் சாகர காரியவசம் தெரிவித்துள்ளார்.
